دكتور اسامة
إن كلمتي التي أرحب بها لكل السادة زوار الموقع تنبع من رسالة حقيقية بداخلي أشعر أنها إلزام أخلاقي أن أقدمها للجميع ورسالتي هي أنه على مدار سنوات عملي السابقة وكثير من التجارب التي عشتها في حياتي العملية وجدت أننا مجتمع وللأسف لدينا مشكلة حقيقية في التثقيف الجنسي قد تصل إلى حد الخطورة على أجيال كثيرة قادمة في هذا البلد وعلى أطفال وشباب ورجال هذا المجتمع والأكثر خوفاً علينا أننا نواجه هذه المشكلة دون وعي وثقافة حقيقة

أحدث المقالات

Title Image

الاسئلة والاستشارات


لو سمحت يا دكتور أسامة انا عندي 47 سنة و بعاني من ضعف شديد في الانتصاب و لفيت على دكاترة كتير و قالوا الحل في تركيب الدعامة فعاوز أعرف لو الدعامة دي هتفضل عايشة معايا و لا هغيرها كمان خمس سنين ؟

متقلقش فعالية الدعامة نظرياً 15 سنة و عملياً بتفضل شغالة معاك أكتر من 15 سنة .. بتعرف تعد لحد كام

لو سمحت يا دكتور أسامة انا بشتغل محامي و بتنقل كتير في شغلي و بقف في محاكم و بترافع قدام قضاة هل لما أركب الدعامة هتبقى باينة من بره الهدوم و تسببلي إحراج ؟

متقلقش الدعامة مش بتبان من بره الهدوم و مش بتسبب أي تغير في المظهر و مش هتسببلك أي إحراج بالعكس دي هترفع راسك

لو سمحت يا دكتور أسامة أنا عندي 43 سنة و عندي السكر و الضغط و عندي مشاكل في ممارسة الجنس يعني ضعف انتصاب و الانتصاب لو حصل بيبقى لمدة بسيطة جداً و مبقدرش أكمل و بخاف آخد أي أدوية عشان متأثرش على السكر و الضغط اللي عندي فمش عارف أعيش حياتي خالص .. هي الدعامة بتأثر على الضغط و السكر ؟

متقلقش الدعامة مش بتأثر على السكر و الضغط و ملهاش أي آثار جانبية و هتعيش حياتك أحسن من الأول كمان

لو سمحت يا دكتور أسامة أنا عندي السكر و بتعالج منه و ماشي على العلاج بقالي 10 سنين قبل كده كانت العلاقة الجنسية تمام بس حالياً بقى عندي ضعف انتصاب و مبقدرش أكمل العلاقة الجنسية ممكن السكر يكون السبب في كده ؟

أولاً ألف سلامة عليك .. السكر طبعاً ممكن يكون السبب في كده لأنه بيأثر على الأوعية الدموية و الأعصاب و بيقلل تدفق الدم اللي واصل للعضو و بالتالي يحصل ضعف إنتصاب .. بس متقلقش حلك موجود عندنا

لو سمحت يا دكتور أسامة أنا بعاني من زيادة الوزن و عندي نسبة دهون على الدم و باخد علاج للدهون و من ساعة ما اكتشفت الموضوع ده و انا حسيت اني مرجعتش زي الأول في العلاقة و بقيت بعاني من ضعف الانتصاب فهل المشاكل اللي عندي دي ممكن تكون هي السبب و هي لو خسيت و اتعالجت ابقى أحسن ؟

أولاً ألف سلامة عليك .. زيادة الوزن و زيادة الدهون في الدم بيأثروا على تدفق الدم للعضو الذكري فبيحصل ضعف انتصاب و كمان لو عندك زيادة كبيرة في الوزن ممكن تصاب بإنخفاض مستويات هرمون التستوستيرون اللي بيتحكم في الرغبة و ان شاء الله لما تخس كل حاجة هترجع زي الأول بس لازم تنورنا عشان نستبعد الأسباب العضوية التاني.

لو سمحت يا دكتور أسامة أنا ست متجوزة عندي 34 سنة بس بقيت بحس إن جوزي بيتهرب مني كده و معادش بيستمتع زي الأول هو معندوش أي مشاكل الحمدلله و تمام اوي بس بحس ان رغبته بتقل و معادش عاوزني زي زمان تنصحنا بإيه ؟

أهلاً و سهلاً بحضرتك .. عادي يحصل فتور في العلاقة في أوقات و انا بحيي حضرتك انك بتحاولي تتفادي الفتور ده و هقولك شوية نصايح عشان جوزك يرجع زي زمان .. حاولي تعاكسيه و تمدحي في قدراته الجنسية و تلبسيله لبس حلو و جديد و تدلعي قدامه و كمان استخدام العطور بيبقى ليه أثر حلو و كمان اثناء العلاقة الجنسية عبري عن مدى رضاكي بيها بالمدح أو بتعابير الوش و طبعاً النظافة الشخصية مهمة جداً.

لو سمحت يا دكتور أسامة أنا عندي 42 سنة و بعاني من سرعة القذف كنت الأول تمام بس المشكلة دي ظهرت جديد و مش حابب إني أمشي في سكة الأدوية فممكن تنصحني بإيه عشان القذف يتأخر و وقت العلاقة يطول ؟

أول حاجة عاوز أقولهالك إن سرعة القذف ليها علاج طبي و دوائي معترف بيه عالمياً و مش برشام تروح تجيبه من الصيدلية قبل العلاقة لا ده علاج بتمشي عليه فترة من الزمن على حسب حالتك و بعدها بتبطله .. و تاني حاجة بنصحك تبعد عن التوتر و ضغط الشغل و العصبية و حاول تجدد و تغير الروتين و كمان زود فترة المداعبة قبل الإيلاج و كل ما تحس إنك هتقذف توقف 30 ثانية و بعدين ترجع تكمل.

لو سمحت يا دكتور أسامة أنا عندي 21 سنة و بعاني من مشكلة عاوز حل ضروري ليها .. أنا قضيبي بينتصب لوحده من غير سبب هل ده طبيعي ؟ و هل لازم أمارس العادة السرية عشان ميحصليش احتقان بسبب السائل المنوي اللي بيتخزن ؟

متقلقش الانتصاب التلقائي ده أمر وارد و طبيعي و بيحصل للناس كلها و لا مش لازم تمارس العادة السرية و متخافش مش هيحصل احتقان ولا حاجة.

السلام عليكم يا دكتور أسامة لو سمحت كنت عاوز أعرف حاجة .. هل الجنس بيزود الوزن لأن شايف الناس اللي بتتجوز كلها بتتخن ؟!

و عليكم السلام و رحمة الله و بركاته .. على عكس الاعتقاد الخاطئ بأن ممارسة الجنس تؤدي إلى زيادة الوزن ، فجميع الأبحاث بتوضح إن ممارسة أي نشاط بدني بيؤدي إلى حرق المزيد من السعرات الحرارية مما يؤدي إلى فقدان الوزن و الجنس نوع من أنواع النشاط البدني و بيؤدي لحرق من 85 لـ 100 سعر حراري في المرة الواحدة.

لو سمحت يا دكتور أسامة أنا سني كبير 63 سنة و عندي مشاكل في الضغط و القلب و عامل عمليات قبل كده و بيقولولي مينفعش تاخد تخدير كلي تاني و كمان عندي ضعف جنسي و حاسس إني عجزت و مبقاش ليا نفس في حاجة و حاسس إني مش قادر أعمل حاجة .. فيه حل ليا ؟!

متقلقش هنرجعك شباب تاني .. عملية الدعامة مش بتحتاج تخدير كلي في الغالب و بتتم بتخدير نصفي فقط و الدعامة ملهاش أي تأثير على الضغط أو القلب .. الدعامة هترجعك سنة 69

لو سمحت يا دكتور أسامة أنا لسه شباب 30 سنة و معنديش أي مشاكل في الانتصاب أو سرعة القذف بس عاوز أعرف آكل ايه يزود القدرة الجنسية و الفحولة ؟

أول حاجة ربنا يباركلك و يزيدك .. بالنسبة للأكل فأكتر الأطعمة اللي ممكن تزود القدرة الجنسية هي المأكولات البحرية و على الأخص السلمون  و السردين  و الجمبري و الفول السوداني و الفراولة و الفلفل الأحمر و الأفوكادوا و الشيكولاتة و الموز و التين .. و طبعاً متنساش تشرب مية ياما على الأقل 2 لتر في اليوم

لو سمحت يا دكتور أسامة عندي استشارة كده بس مكسوف أنا عندي 25 سنة عريس جديد بس انا طبيعة شخصيتي بتحرج و بتكسف و لما اتجوزت وقت العلاقة بقلق و بتوتر جداً و بخاف و الانتصاب بيروح علطول و مبقدرش أعمل أي حاجة و لكن لما بصحى من النوم بيبقى عندي انتصاب عادي .. هل أنا كده محتاج الدعامة ؟!

متقلقش يا عريس كل حاجة بتبقى صعبة في الأول و انت طبيعي و ضعف الانتصاب اللي عندك ده سببه نفسي و معندكش أي مشاكل ما دام الانتصاب الصباحي تمام و مش محتاج أي حاجة غير انك تثق بنفسك و وقت العلاقة تحس إنك داخل معركة و لازم تنتصر

السلام عليكم يا دكتور أسامة .. أنا عندي استفسار طبي كده بسيط أنا مش بعاني من أي مشاكل الحمدلله في الضعف الجنسي أو سرعة القذف أو كده بس بحس العلاقة فيها ملل و زهق كده و زيها زي روتين الحكومة ومعدتش بتستمتع تنصحني بإيه ؟

و عليكم السلام و رحمة الله و بركاته .. أنصح حضرتك ان يبقى فيه تجديد في العلاقة يعني مش لازم السرير و مش لازم يوم الخميس يعني مرة على السفرة ” بس حاسب لا تكسر الازاز 😉 ” مرة في المطبخ مرة تحت الدش .. و بلاش المواعيد الثابتة دي يعني اعملها مفاجأة و جبلها هدية و خد تمن الهدية منها تاني بس مش فلوس 😉

السلام عليكم يا دكتور أسامة .. انا متجوزة بقالي سنتين و جوزي بيعاني من سرعة القذف بمجرد ما العضو يدخل عندي و كنت مستحملة و بتظاهر إني مبسوطة و كنا بنحاول مع بعض نحل المشكلة دي بس للأسف مستمرة و مفيش أي نتيجة فهل فيه حل ؟

و عليكم السلام و رحمة الله و بركاته .. سرعة القذف ليها علاج طبعاً و متقلقيش العلاج نتايجه هايلة و كمان بننصحك تطولوا فترة المداعبة قبل العلاقة أكتر و يا ريت تنورونا و كل حاجة هتبقى تمام.

لو سمحت يا دكتور أسامة انا 19 سنة و مش متجوز بس حاسس إني خايف لأن حجم قضيبي اثناء الانتصاب 13 سم بس فبسأل حضرتك هل ده كده طبيعي و هل الحجم بيفرق أثناء العملية الجنسية ؟

متقلقش 13 سم حجم طبيعي و مناسب لأداء العملية الجنسية و متخافش و متقلقش انت زي الفل و العبرة مش بالحجم العبرة بالأداء 😉

لو سمحت يا دكتور أسامة أنا عندي سؤال كده عاوز حضرتك تجاوبني عليه أنا عندي 20 سنة و فيه مشكلة مخلياني مش عارف أنام لما بمارس العادة السرية بينزل مني نقطتين أو 3 نقط و مش ياما و فيه أوقات تانية بينزل ياما يا ريت ترد عليا عشان خايف أوي و مش عارف انا كده طبيعي ولا لا ؟

متقلقش نسبة السائل المنوي لكل عملية قذف بتتراوح من نصف مللي إلى 10 مللي يعني انت كده تمام و بتختلف الكمية على حسب نشاطك الجنسي يعني لو بتقذف بإستمرار  هتلاقي الكمية بتقل و لو بتقذف كل فترة هتلاقي الكمية كتير .

لو سمحت يا دكتور أسامة عاوز اسأل حضرتك سؤال .. ايه هي المدة المناسبة للجنس يعني بالظبط كام دقيقة ؟!

مفيش حاجة اسمها كام دقيقة .. المدة المناسبة للجنس هي المدة اللي بيحصل فيها استمتاع للطرفين و مش متحددة بوقت.

لو سمحت يا دكتور أسامة أنا زوجتي عندها 43 و بتعاني من جفاف المهبل و بيحصلها ألم أثناء العلاقة تنصحنا بأيه

ألف سلامة على زوجة حضرتك .. بنصح حضرتك بإطالة فترة المداعبة قبل الإيلاج و كمان بإستخدام المزلقات المخصصة لكده و هتلاقي منها أنواع كتير في الصيدليات.

لو سمحت يا دكتور أسامة أنا عندي 25 سنة و من أول ما بلغت و انا عندي انحناء بسيط في العضو بدون أي ألم أو مشاكل أثناء الانتصاب فهل ده طبيعي ؟

متقلقش مش لازم يكون مسطرة 😀 انحناء القضيب بدرجات بسيطة وارد الحدوث عند 10 % من الذكور و ده أمر طبيعي تماماً ما دام مكانش معاه أي أعراض تانية.